जुग बित्यो नदेखेरै एकचोटी देख्न मन छ
आज तिम्रो नामको एउटा कविता लेख्न मन छ।।
hi देखि सुरु भै
ए हजुर सुन्नुस न सम्म
good bye देखि सुरु भै
एकछिन बस्नुस न सम्म
तिम्रा ती हरेक मेसेज फेरि लेख्न मन छ
आज तिम्रो नामको एउटा कविता लेख्न मन छ ।।
के छ हालखबर देखि
ख्याल गर्नुपर्दैन? सम्म
ह्या केइ हुन्न मलाइ देखि
मलाइ केइ भए उस्लाइ के होला सम्म
ती हरेक मयालु बात फेरि गर्न मन छ
आज तिम्रो नामको एउटा कविता लेख्न मन छ।।
झुक्केर गएछ पानको पात देखि
हजुरको फोटोमा प्यार टासिदिए सम्म
एउटा फोटो पठाउ न देखि
ल भन्नुस म कस्ती देखिएकी छु सम्म
हर फोटो आदानप्रदान फेरि देख्न मन छ
आज तिम्रो नामको एउटा कविता लेख्न मन छ।।
मिट्ठो !
ReplyDeleteधन्यवाद
ReplyDelete